Ky djalë thotë se tatuazhi po e lë pa punë (video)

3:30 pm 14.11.17

Një djalë në Angli ka kërkuar të paraqitet në një emision televiziv dhe të flas për problemin e tij në gjetjen e një vendi të punës.

21 vjeçari Joe Parsons ka folur për televizionin ITV në emisionin e drejtuar nga Eamonn Halomes dhe Ruth Langsford duke shprehur mendimin e tij se për shkak të tatuazhit që ka në qafë po e ka të pamundur të gjej një vend pune.

“Sapo futem në dhomë dhe menjëherë paragjykohem.” thotë Parsons.

Ai ka treguar se vetëm gjatë katër muajve të fundit i janë refuzuar 20 kërkesa për të zënë një vend pune.

Kur është pyetur nëse ka ndonjë këshillë për të tjerët, ai ka thënë: “Do të thoja se për mua, personalisht prapë do ta bëja [tatuazhin], sepse e dua dhe është pjesë e imja.

“Por, për të tjerët sigurisht se duhet ta mendojnë. Sigurohuni të jeni në një vend të sigurt pune ku nuk do t’ju largojnë javën tjetër.”